ورشة أونلاين لأمهات الأطفال من سنة لـ٤ سنين
مش كل يوم خناقة!
من الزن والعند لنوبات الغضب… افهمي طفلك واتعاملي بثبات وهدوء
- الاثنين ٩ والأربعاء ١١ نوفمبر
- من ٨:٠٠ لـ ٩:٣٠ مساءً بتوقيت مصر
- Live أونلاين على Zoom
كل يوم معركة؟
- اللبس
- الأكل
- قفل الموبايل
- الخروج من البيت
- وقت النوم
وبتحسي إن كلمة «لأ» بقت أكتر كلمة بتسمعيها من طفلك؟ مرة يعيط ويصرخ عشان حاجة رفضتيها، ومرة يرفض يعمل أي حاجة طلبتيها منه، وممكن موقف بسيط جدًا يقلب اليوم كله بخناقة.
ومع تكرار المواقف دي، بتلاقي نفسك بتفقدي أعصابك، صوتك بيعلى، وبعدها تحسي بالذنب وتسألي نفسك: هو ليه كل حاجة بقت صعبة كده؟!
الورشة دي ليكي لو إنتِ الأم اللي…
- بتلاقي كلمة «لأ» بتتكرر في كل موقف.
- بتعاني من الصريخ والعياط لما ترفضي طلب لطفلك.
- بتحسي إن كل حاجة بسيطة، زي اللبس والخروج وقفل الشاشة، بتتحول لمعركة.
- بتحتاري بين إنك تحتوي طفلك وإنك تحطي حدود واضحة.
- بتزعقي من كتر الضغط، وبعدها بتحسي بالذنب.
- عايزة تعرفي تتصرفي إزاي بدل ما تجربي نصايح متناقضة من كل حد.
هتتعلمي إيه في الورشة؟
٨ محاور، من فهم سلوك طفلك لحد التطبيق على مواقف حقيقية من يومك.
-
تفهمي ليه طفلك بيعمل كده
هتعرفي ليه بيقول «لأ» وبيصرخ، وإزاي تفرّقي بين نوبة محتاجة احتواء وسلوك محتاج حدود ثابتة.
-
تقللي نوبات الغضب قبل ما تبدأ
٧ أدوات عملية، منها الروتين الثابت، والتمهيد قبل الانتقال من نشاط للتاني، وتقديم الاختيارات، وطريقة طلب تشجّع طفلك على التعاون.
-
تعرفي تتصرفي وقت نوبة الغضب
خطوات واضحة وقت الصريخ والعياط، وإمتى تقربي من طفلك وإمتى تدي له مساحة، وإزاي تساعديه يهدى.
-
تتعاملي مع العند والزن من غير معارك
إمتى تتمسكي بالحدود وإمتى تدي اختيارات، وإزاي تتعاملي مع الزن من غير ما يتحول لطريقة يغيّر بيها طفلك قرارك كل مرة.
-
تفهمي إيه اللي بيفقدك أعصابك
تلاحظي علامات الغضب عندك، وتفهمي الأفكار والمواقف اللي بتزود عصبيتك، وتستخدمي خطوات عملية تهديكي قبل ما الموقف يكبر.
-
تساعدي طفلك يبني شخصية قوية ويحترم الحدود
تدعمي استقلاله وتسمعي رأيه من غير ما تتنازلي عن حدودك، ويتعلم إن من حقه يعبّر عن نفسه، وفي نفس الوقت فيه قواعد لازم يحترمها.
-
تتعاملي مع ضغط وكلام الناس
من الأب للجدة والقرايب، لحد التعليقات في الشارع: توضحي طريقتك في التربية وتثبتي على حدودك بهدوء، من غير ما كل اختلاف يتحول لخناقة.
-
تطبّقي على مواقف حقيقية من يومك
هنناقش مواقف وأسئلة الأمهات، ونطبّق الأدوات على تحديات يومية زي وقت الشاشات والضرب والغيرة بين الإخوات، حسب الوقت المتاح.
إيه اللي هتحصلي عليه مع ورشة «مش كل يوم خناقة!»؟
-
لقاءين Live على Zoom
لقاءين تفاعليين، مدة كل لقاء ٩٠ دقيقة، نفهم فيهم سلوك طفلك ونتعلم أدوات عملية للتعامل مع الزن والعند ونوبات الغضب.
-
PDF بأهم الأدوات
ملف PDF ترجعي له بعد الورشة، يساعدك تفتكري الأدوات وتطبّقيها في المواقف اليومية مع طفلك.
-
تسجيلات الورشة
هتوصلك تسجيلات الورشة خلال ٢٤ ساعة، عشان تقدري ترجعي للمحتوى وقت ما تحتاجي.
-
خصم ٣٠٪ على جلسة فردية معايا
بعد الورشة، هتحصلي على خصم ٣٠٪ على جلسة استشارية فردية معايا (الخصم صالح لمدة شهر بعد الورشة)، نقدر فيها نناقش تحدياتك الخاصة مع طفلك ونشتغل على خطوات عملية تناسب احتياجاتك واحتياجاته.
أماكن محدودة. الورشة مخصصة لعدد محدود، عشان نقدر نناقش الأسئلة والمواقف العملية ونستفيد من تجارب بعض.
- ICF
- Positive Discipline Association
شيرين جندي
- كوتش تربية معتمدة
- أخصائية تعديل سلوك
- أم لطفلين
التربية مش فطرة بنعرف نعملها صح لوحدنا، لكنها مهارة بنتعلمها ونطوّرها كل يوم.
أنا شيرين جندي، كوتش تربية معتمدة من ICF، وأخصائية تعديل سلوك ومدرّبة تربية إيجابية معتمدة من Positive Discipline Association. بقالي أكتر من ٦ سنين بشتغل مع الأمهات والأسر في تحديات التربية اليومية.
أنا كمان أم لطفلين، وعارفة إن التربية مش دايمًا سهلة، وإن التعامل مع الزن والعند ونوبات الغضب ممكن يستنزف طاقتنا. أنا مؤمنة إن التربية مش فطرة بنعرف نعملها صح لوحدنا، لكنها مهارة بنتعلمها ونطوّرها كل يوم.
هدفي إننا نساعد أطفالنا يكبروا وهم واثقين في نفسهم، قادرين يعبّروا عن مشاعرهم واحتياجاتهم، وعندهم انضباط ذاتي، مش لمجرد إنهم خايفين من العقاب. وده بيبدأ من سن صغير: حدود واضحة، وتعليم بدل الصراخ والعقاب.
- سنين خبرة مع الأمهات والأسر
- ٦+
- أسرة اشتغلت معاها في جلسات فردية
- ٧٠+
- أم لطفلين
- ٢
اسمعي من شيرين
شيرين بتحكي عن طريقتها في الكوتشينج وإزاي بتشتغل مع الأمهات.
من لقاءات شيرين
- ضيفة في برنامج «أهلًا بالستات»
- خلال لقاء تلفزيوني
- شيرين جندي
تفاصيل الورشة
- اللقاءات
- اللقاء ١ اللقاء ٢
- الوقت
- من ٨:٠٠ لـ ٩:٣٠ مساءً بتوقيت مصر
- طريقة الحضور
- Live أونلاين على Zoom
- المدة
- لقاءين، ٩٠ دقيقة لكل لقاء
- سن الطفل
- من سنة لـ٤ سنين
سعر الاشتراك
- سعر الحجز المبكر ١٢٠٠ جنيه لحد ٤ نوفمبر
- السعر العادي ١٧٠٠ جنيه بعد انتهاء الحجز المبكر
كل ما تحجزي بدري، تستفيدي بالسعر الأقل.
إزاي تحجزي؟
اكتبي بياناتك
اسمك ورقم الواتساب وسن طفلك، عشان نبعتلك لينك Zoom والتسجيلات.
ادفعي بـ InstaPay
من لينك الدفع مباشرة أو امسحي الـQR code من تطبيق InstaPay.
ابعتي صورة التحويل
على واتساب بضغطة واحدة، ومكانك بيتأكد بعد إتمام الدفع.
أسئلة شائعة
الورشة مناسبة لمين؟
لكل أم عندها طفل من سن سنة لـ٤ سنين، وعايزة تفهم سلوكه وتتعلم تتعامل مع الزن والعند ونوبات الغضب بطريقة عملية.
هل لازم أحضر اللقاءين Live؟
الورشة بتتقدم في لقاءين Live على Zoom، ولو احتجتي ترجعي للمحتوى بعد كده، هتوصلك التسجيلات خلال ٢٤ ساعة.
هل الورشة هتخلّصني من نوبات الغضب والعند؟
الهدف مش إننا نلغي نوبات الغضب تمامًا، لكن إنك تفهمي أسبابها، وتتعلمي تقللي تكرارها وتتعاملي معاها بشكل أفضل، مع الحفاظ على حدود واضحة لطفلك.
هل هقدر أسأل عن المواقف اللي بتحصل مع طفلي؟
أيوه، فيه ٢٠ دقيقة في اللقاء التاني للأسئلة، وفرصة لمناقشة المواقف العملية خلال الورشة.
إيه نظام خصم الجلسة الفردية؟
بعد حضور الورشة، هتحصلي على خصم ٣٠٪ على جلسة فردية مع شيرين، صالح لمدة شهر بعد الورشة، لو حابة تشتغلي بشكل أعمق على تحدياتك الخاصة مع طفلك.
هل ممكن أسترد فلوسي لو غيرت رأيي؟
بعد تأكيد الحجز والدفع، لا يمكن استرداد المبلغ. لكن لو حصل ظرف قبل الورشة، ممكن تنقلي مكانك للورشة الجاية.
إزاي أدفع وأأكد حجزي؟
الدفع عن طريق InstaPay، باللينك أو بمسح الـQR code. بعد التحويل ابعتي صورة التحويل على واتساب، ومكانك بيتأكد بعد إتمام الدفع.
مستعدة تقللي الخناقات اليومية وتفهمي طفلك أكتر؟
احجزي مكانك في ورشة «مش كل يوم خناقة!» واستفيدي من سعر الحجز المبكر قبل ما ينتهي. عدد الأماكن محدود.